EPAG-ის საბჭოს განცხადება ზაზა ბროლაძის დაკავებასთან დაკავშირებით

ამერიკის მთავრობის გაცვლითი პროგრამების საქართველოს მონაწილეთა ასოციაციის (EPAG) საბჭო ღრმა შეშფოთებას გამოთქვამს ჩვენი კოლეგის, აღმასრულებელი საბჭოს წევრის, ზაზა ბროლაძის, 30 ოქტომბერს თბილისში პოლიციის მიერ დაკავების თაობაზე.

ბატონი ზაზა მრავალი წელია აქტიურად მონაწილეობს ასოციაციის საქმიანობაში და წარმოადგენს აღმასრულებელი საბჭოს გამორჩეულ წევრს. მისი, როგორც საქართველოს ნადვილი პატრიოტის, საქმიანობა ყოველთვის იყო მიმართული ასოციაციის წევრების მხარდაჭერისკენ და EPAG-ის წევრების მიერ დაგროვილი გამოცდილებისა და ცოდნის ფართო საზოგადოებისთვის გაზიარების მნიშვნელოვან მისიას ემსახურება.

EPAG-ის საბჭო უცხადებს სოლიდარობას ბატონ ზაზას. მოვუწოდებთ ყველა ჩართულ მხარესა და  უწყებას, უზრუნველყონ მისი საქმის განხილვა გამჭვირვალეობის, კანონის უზენაესობის, სამართლიანი სასამრთლო პროცესისა და ადამიანის უფლებების პრინციპების სრული დაცვით. ასევე, მოვუწოდებთ გადაიდგას ყველა საჭირო ნაბიჯი ბატონი ბროლაძის გათავისუფლების უზრუნველსაყოფად.

EPAG ხაზს უსვამს მშვიდობიანი შეკრებისა და გამოხატვის თავისუფლების ფუნდამენტური უფლების უზრუნველყოფის მნიშვნელობას.

EPAG-ის საბჭო ყურადღებით ადევნებს თვალს მოვლენების განვითარებას და ერთგული რჩება ყველა თავისი წევრის უფლებებისა და კეთილდღეობის დაცვის ვალდებულების მიმართ.