EPAG სასწავლო ვიზიტების პროგრამა - ვიზიტი ევროკავშირის წარმომადგენლობას და პარლამენტში
ა.შ.შ. მთავრობის გაცვლითი პროგრამების საქართველოს მონაწილეთა ასოციაციის სასწავლო ვიზიტების პროგრამის ფარგლებში, სხვადასხვა სკოლის მოსწავლეთა ჯგუფი საქართველოში ევროკავშირის წარმომადგენლობას ეწვია. მოსწავლეებს ევროკავშირის ელჩი, პაველ ჰერჩინსკი შეხვდა, რომელმაც ევროკავშირში საქმიანობის საკუთარ გამოცდილებაზე ისაუბრა. ევროკავშირის ინსტიტუტების როლისა და ასევე დეზინფორმაციის შესახებ, მონაწილეებთან ისაუბრეს ევროკავშირის წარმომადგენლობის თანამშრომლებმა და იპაგის წევრებმა, მარიამ თურმანიძემ და მაია მათეშვილმა.
სასწავლო ვიზიტების პროგრამის შემაჯამებელი შეხვედრა საქართველოს პარლამენტში გაიმართა, რომელსაც საქართველოს პარლამენტის აპარატის უფროსმა, ქეთევან კვინიკაძემ და საგარეო საქმეთა კომიტეტის აპარატის უფროსმა და ასევე იპაგის საბჭოს წევრმა, ნიკოლოზ ხატიაშვილმა უმასპინძლეს. შეხვედრის დასასრულს, პროგრამის მონაწილეებს გადაეცათ სერტიფიკატები.
სასწავლო ვიზიტების პროგრამა, ასოციაციის საბჭოს წევრის, ნანუკა ყრუაშვილის ინიციატივით განხორციელდა.