დასაქმების ფორუმი

აშშ მთავრობის გაცვლითი პროგრამები საქართველოს მონაწილეთა ასოციაცია (EPAG) გიწვევთ სხვადასხვა სფეროში მომუშავე ორგანიზაციებს/კომპანიებს დასაქმების ფორუმში მონაწილეობის მისაღებად, რომელიც ამერიკის საელჩოს მხარდაჭერით, მეოთხედ გაიმართება 15 დეკემბერს 12:00 საათიდან 16:00 საათამდე, სასტუმროში “ჰოლიდეი ინნ” (26 მაისის მოედანი).

ღონისძიების ფარგლებში, შესაძლებლობა გექნებათ პირადად გაიცნოთ, გაესაუბროთ ასოციაციის წევრებსა და სხვა ადამიანებს, რომლებიც დაინტერესებულები არიან, არა მხოლოდ დასაქმებითა თუ სამსახურის ცვლილებით, არამედ, კონტაქტების ქსელის გაფართოებით, პარტნიორების მოძიებითა და საერთო ახალი პროექტების ჩამოყალიბებით. 

EPAG 1000 -ზე მეტ ადამიანს აერთიანებს, რომელთაც განათლება და/ან გამოცდილება ამერიკის შეერთებულ შტატებში მიიღეს, აშშ სახელმწიფო დეპარტამენტის მიერ დაფინანსებული აკადემიური (სასკოლო, საბაკალავრო, სამაგისტრო, სადოქტორო) თუ პროფესიული გაცვლითი პროგრამების ფარგლებში. 

ფორუმზე იპოვით მენეჯერებს, კონსულტანტებს, ტრენერებს, ლექტორებს, სხვადასხვა კარიერულ საფეხურზე მყოფ კვალიფიციურ და მაღალი პროფესიული უნარ-ჩვევების მქონე კადრს, როგორც მოკლე და გრძელვადიანი დასაქმების, ასევე სტაჟირებისა თუ job shadowing პროგრამებისთვის. 

არაერთი კომპანია, რომელიც დაინტერესებულია ასოციაციის წევრებთან განსხვავებული სახის თანამშრომლობით, გვეკონტაქტება ჩვენი წევრების ქსელთან დაკავშირების სურვილით. დასაქმების ფორუმი კი იქნება შესაძლებლობა ასეთი კომპანიებისთვის, თავად, უშუალოდ დაამყარონ კომუნიკაცია მათთან. 

იმისათვის, რომ დასაქმების ფორუმში მიიღოთ მონაწილეობა როგორც დამსაქმებლებმა ან სხვა საინტერესო შესაძლებლობის მომწოდებელმა, გთხოვთ, შეავსოთ სარეგისტრაციო ფორმა მოცემულ ბმულზე 5 დეკემბრამდე: https://forms.gle/7YyWa7fJYYzLent57
გაითვალისწინეთ, რომ დასაქმების ფორუმში მონაწილეობის მიღება კომპანიებისთვის/ორგანიზაციებისთვის უფასოა. 

კითხვების შემთხვევაში, დაგვიკავშირდით: [email protected]